“Greenwich” — Britaniya uslubida qurilgan yangi zamonaviy turarjoy majmuasi. U Mirobod tumanida joylashgan va rivojlangan infratuzilmaga ega. Uning fasad qismi anʼanaviy inglizcha uslubda yaratilgan. Majmuadagi kurantlar esa Britaniyaning eng taniqli ramzi — Big Ben minorasini eslatadi.
Infratuzilma
Turar-joy majmuasi Furqat nomidagi istirohat bogʻi va Risoviy bozori yaqinida qulay joylashgan. U koʻplab bolalar bogʻchalari, maktablar va oʻquv markazlari yonida joylashganligi sababli ota-onalar va bolalar taʼlim muassasalariga oson borib kelishlari mumkin. Shuningdek, hududda kafelar, restoranlar va savdo markazlari bor. Sayr qilish va ochiq havoda dam olish uchun 500 metr uzunlikda bulvar yaratilgan. Oʻyin va sport maydonchalari, ayvon va oʻrindiqlar, yashil landshaft va favvoralar butun hududda yoqimli mikroiqlim yaratadi. Yer osti va yer usti avtoturargohlari aholi va ularning mehmonlarini xavfsiz toʻxtash joylari bilan taʼminlaydi. Zamonaviy taʼmirlangan podyezdlar ikkitadan lift bilan jihozlangan: yoʻlovchi va yuk tashuvchi. Professional boshqaruv kompaniyasi hududning tozaligi va aholining qulaylikda yashashi uchun xizmat koʻrsatadi.
Xonadonlar
Turar-joy majmuasi maydoni 47dan 221 kvadrat metrgacha boʻlgan 2-4 xonali shinam uylardan iborat. Ular yuqori sifatli materiallar yordamida qurilgan va taʼmirlangan. Xonalarda haqiqiy kenglik hissini beruvchi panoramali derazalar oʻrnatilgan. Siz tayyor taʼmirlangan yoki yarim taʼmirlangan xonadonlarni sotib olishingiz mumkin. Quruvchi kompaniya tomonidan yuqori sifatli isitish radiatorlari oʻrnatilgan.
