Xon Saroy kompaniyasining yangi “Orzular” turarjoy majmuasi poytaxtimizning Yunusobod tumanida zamonaviy xonadon va penthauslarni taklif etadi. Bu zarur ijtimoiy infratuzilma bilan o'ralgan, umumiy maydoni 20 000 kvadrat metr bo'lgan ulkan turarjoy maydoni. Unda 14ta blok va 16ta qavatdan iborat binolar joylashgan. Pastki 3 qavati aholiga maishiy xizmat ko'rsatish shaxobchalari uchun ajratilgan. Eng yuqori qavatda esa penthauslar va verandalar bo'ladi.
Infratuzilma
“Orzular” turarjoy majmuasi uning bo‘lajak aholisining xavfsizligi va qulayligini hisobga olgan holda barpo etilmoqda. Uning hududida maktab, bolalar bog'chasi va masjid bo'ladi. Binolar ostida 200ta avtomobilga mo'ljalangan keng avtoturargoh joylashadi. Aholi va ularning mehmonlari uchun yer osti to'xtash joylari ham bor. Har bir podyezd ikkitadan shovqinsiz ARD liftlar bilan jihozlangan. Hovlida sayr uchun yo'laklar va o‘rindiqlar, sport va o‘yin maydonchalari tashkil etilgan. Ajablanarli darajada go'zal arxitekturaga yam-yashil landshaft ko'rk qo'shib turadi. Bu yerda siz oilangiz va qo'shnilaringiz bilan maroqli vaqt o'tkazishingiz mumkin.
Turarjoy majmuasi “Turkiston” metro bekati, bir qancha maktabgacha taʼlim muassasalari va maktablar, savdo markazi, supermarket, kafe va restoranlarga yaqin joylashgan.
Xonadonlar
Turarjoy majmuasida jami 1468ta xonadon quriladi. Ular orasida 1-3 xonali uylar va penthauslar bor. Har birida keng balkon quriladi, ikki konturli isitish tizimi, shuningdek, kirish eshiklari va ikki qavatli oynali romlar o'rnatiladi. Uylar to'liq ta'mirlanmagan holda topshiriladi, ammo tayyor ta'mirlab berishlariga buyurtma berishingiz ham mumkin. Qurilish ishlarini yakunlash 2025 yilga rejalashtirilgan.
