Parkwood — Mirobod tumanida Novastroy kompaniyasi tomonidan qurilgan yangi turarjoy majmuasi. U 13 blokdan iborat boʻlib, uni 4,5 metrga koʻtaruvchi, shuningdek aholiga atrofning goʻzal manzarasini taqdim etadigan hamda uni shahar shovqini va chiqindi gazlardan himoya qiladigan stillobat ustida joylashgan. Binolarning fasadi ventilyatsiya tizimi bilan jihozlangan, ichki iqlimni nazorat qilish uchun markaziy konditsioner tizimi ham mavjud. 7 dan 13 qavatgacha boʻlgan binolarda 400ta xonadon qurilgan boʻlib, ularning har birida bir yoki ikkita keng balkon mavjud.
Rezidentlar uchun sharoitlar
Turarjoy majmuasi aholining toʻliq qulayligi va xavfsizligini hisobga olgan holda qurilgan. Stilobat ostida 350ta toʻxtash joyiga moʻljallangan avtoturargoh mavjud boʻlib, yopiq hovli hududiga oʻt oʻchirish va tibbiy xizmatdan tashqari avtomashinalar kiritilmaydi. Maydoni 0,8 gektar boʻlgan obodonlashtirilgan hovli bolalar oʻyin maydonchalari hamda sayr qilish, dam olish va sport bilan shugʻullanish uchun moʻljallangan. Keng va zamonaviy podyezdlar ikkitadan lift bilan jihozlangan. Binoning tom qismida esa oʻz bogʻingizni, sport maydonchasini yoki jakuzini tashkil qilishingiz mumkin.
Joylashuv
“Parkwood” turarjoy majmuasi qulay transport ayirboshlash va zarur ijtimoiy infratuzilma yaqinida joylashgan. U doʻkonlar, kafelar, dorixonalar bilan oʻralgan. Bu yerdan Oybek metro bekatiga bir necha daqiqada yetib olish mumkin. Bir qadamlik masofada 328-maktab va bir nechta bolalar bogʻchalari joylashgan. Xaridlar uchun esa yaqindagi Mirobod bozori va Makro supermarketiga borishingiz mumkin. Binolarning birinchi qavatlarida joylashgan doʻkonlar bilan sizga kerak boʻlgan hamma narsa yoningizda boʻladi.