“Nova Garden” – Yunusobod tumanida Novastroy tomonidan qurulgan yangi turarjoy majmuasi. U olti qavatli toʻrtta bino va koʻrkam hovlini oʻz ichiga oladi. Rivojlangan infratuzilma va binolarning yaxshi joylashuvi xonadonlarda qulay yashash sharoitlarini yaratishga yordam berdi.
Infratuzilma
Turarjoy majmuasi toʻrtta binodan iborat boʻlib, uning ostida toʻgʻridan-toʻgʻri liftga tushishingiz mumkin boʻlgan yer osti avtoturargohi qurilgan. Yuk koʻtarish quvvati 1000 kggacha boʻlgan liftlar esa shovqinsiz, tez va eng muhimi, qavatlar orasida xavfsiz harakatlanishni taʼminlaydi. Butun ichki hududda, jumladan, hovli, bolalar maydonchasi, yer osti avtoturargohlarida 25ta kamera oʻrnatilib, kecha-yu kunduz videokuzatuv olib boriladi. Bolalar uchun oʻyin maydonchasi jihozlangan va yonida atrofda ota-onalar uchun skameykalar oʻrnatilgan. Yugurish va sayr qilish uchun yoʻlaklar, favvora, yashil maydonlar — hammasi yoqimli va foydali vaqt oʻtkazishingiz uchun.
Turarjoy majmuasi infratuzilmasi yaxshi rivojlangan hududda joylashgan. Yaqin atrofda doʻkon va restoranlar, maktablar va bolalar bogʻchalari joylashgan. “Megaplanet” savdo markazi va Yunusobod bozoridan bir necha daqiqada yetib olish mumkin.
Xonadonlar
Turarjoy majmuasida tayyor taʼmirlangan maydoni 48 m² boʻlgan bir xonali uylardan 147 m² maydonli toʻrt xonali uylargacha bor. Ulardagi baland shiftlar tufayli turli interyerda turli dizaynlar yaratish oson boʻladi. Temir panjarali keng balkonlardan ichki hovlining ajoyib manzarasi ochiladi. Har bir xonadonda isitish va issiq suv uchun alohida qozon boʻladi. Tayyor uylarni oldindan toʻlov hajmiga qarab 12 yoki 18 oyga foizsiz muddatli toʻlovga sotib olishingiz mumkin.
