NRGdan “U-Tower” biznes-klass turarjoy majmuasida siz shahar hayotining barcha qulayliklaridan bahramand boʻlishingiz mumkin! Uni qurishda mintaqaning iqlimi va seysmik xususiyatlari hisobga olindi, inshootning ishonchliligi ustuvor ahamiyatga ega boʻldi. Noyob zamonaviy arxitekturaga ega koʻp funksiyali binoda derazalaridan Toshkentning goʻzal manzarali koʻrinadigan 2, 3 va 6 xonali uylar joylashgan. Turarjoy majmuasidagi xonadonlarning yana bir oʻziga xos jihati – “Smart Home” va “Smart Remont” innovatsion xizmatlari boʻlib, ular yordamida mobil ilova orqali uyni boshqarish, uni qurish jarayonida dizayn va loyihasini tanlash imkoniyatiga ega boʻlasiz.
Aholi uchun sharoitlar
Uy hovlisida bolalar va kattalar dam olishi uchun barcha qulayliklar yaratilgan. Toza havoda maroqli hordiq chiqarish uchun butun hudud butalar, daraxtlar va maysazor bilan obodonlashtirildi. Eng yuqori qavatda togʻlar koʻrinishidan bahramand boʻlishingiz va chiroyli quyosh botishini tomosha qilishingiz mumkin boʻlgan kuzatuv maydoni bor. Bino ichida kovorking va fitnes zali qurilgan. Ikki qavatli yopiq avtoturargoh bilan mashinangizga joy topish muammo boʻlmaydi. Aholining toʻliq xavfsizligini taʼminlash uchun turarjoy majmuasi hududida qoʻriqlash xizmati ishlaydi va kecha-yu kunduz video kuzatuv olib boriladi.
Joylashuv
“U-Tower” turarjoy majmuasida Shayxontohur tumanining rivojlangan infratuzilmasidan foydalanish imkoniyatiga ega boʻlasiz. “Samarqand darvoza” savdo markazi, “Xalqlar doʻstligi” sanʼat saroyi, poytaxt sirki va Toshkent City yaqin masofada joylashgan. Eng yaqin metro bekati, maktab va bolalar bogʻchasiga piyoda borishingiz mumkin boʻladi.