"Shohsaroy" uylarining poydevori mustahkam qurilish materiallaridan qurilgan. Poydevorda ishlatiladigan beton M400 markali bo'lib, boshqa markalardan ko'ra sovuqqa chidamliligi, suv o'tkazmasligi va moslashuvchanligi bilan ajralib turadi. Poydevor yuklamasini kamaytirish uchun chiniqtirilgan g'isht o'rniga D500 markali avtoklavlangan gazobloklar ishlatiladi.
"Shohsaroy" tomonidan qurilgan zamonaviy va yuqori xavfsizlik standartlariga javob beradigan bolalar maydonchasi bilan siz hech narsadan xavotirlanmaysiz. O'rnatilayotgan barcha ko'ngilochar o'yin attraksionlari xorijiy kompaniyalar tomonidan sifat belgisi bilan ta'minlangan, xavfsizlik kamarlari, mustahkam o'rindiqlar va sifatli jihozlar farzandingiz uchun qulaylik yaratadi. Shuningdek, maydonchadagi kuzatuv kameralarining doimiy ishlashi orqali nazorat ta'minlanadi.
Bugungi kunda liftlar har qanday ko'p qavatli turar-joy majmuasining ajralmas qismiga aylandi. "Shohsaroy" ham bundan mustasno emas. Kirishda o'rnatilgan liftlar aholining yuqori qavatlarga bir necha soniya ichida chiqib olishiga yordam beradi. Bunday liftlarning maksimal yuk ko'tarish qobiliyati 1 tonnani tashkil etadi.
Infratuzilma
"Shohsaroy" turar-joy majmuasi shaharning markazida qulay joylashgan bo'lib, farovon yashash uchun ajoyib sharoitni taklif etadi. Yaqin atrofda oziq-ovqat do'koni, bolalar bog'chasi, tibbiyot markazlari va maktab joylashgan.
Asosiy transport yo'llariga yaqin joylashganligi ham yana bir afzalligidir. Ahmad Donish va Moykurgan ko'chalari bir necha qadam narida joylashgan bo'lib, atrofdagi hududda harakatlanishni va biror joyga borishni osonlashtiradi.
Xonadonlar
"Shohsaroy" turar-joy majmuasidagi xonadonlarning umumiy maydoni 34,2 m² dan 78,2 m² gacha kattalikda.
Bir xonali xonadonlar 34,2 m².
Ikki xonali xonadonlar 48 m² va 63,3 m².
Uch xonali xonadonlar 78,2 m².
"Shohsaroy" uylarining yotoqxonalarida derazalar xona balandligi va kengligining kamida uchdan ikki qismini egallaydi. Ushbu xonadonlarda Germaniya sifatidagi uch qavatli oynalar o'rnatilgan. Eshik va deraza romlari "Akfa" kompaniyasi tomonidan maxsus buyurtma asosida yetkazib beriladi, bu esa o'ziga xos dizayn va ishonchlilikni ta'minlaydi.
