Roaf Company poytaxtimizning Mirobod tumanida barpo etilgan yangi noyob «Skyline Towers» turarjoy majmuasini taqdim etadi! U ikkita 13 qavatli binolardan iborat boʻlib, ularda Yevropa standartlaridagi hashamatli uylar va shaharning goʻzal koʻrinishini taqdim etadigan panoramali derazalar bor.
Infratuzilma
Turar joy majmuasida 400 m² maydonni egallagan noyob klub qavati joylashgan. Bu yerda har kim oʻziga yoqadigan mashgʻulot topadi. «Sehrli oyna ortida» deb nomlanuvchi oʻyin xonasida bolalaringiz vaqtlarini maroqli oʻtkazadi. Sport zali faqat aholi va ularning mehmonlari uchun ishlaydi. Shuningdek, qavatda kovorking-ofis va konferensiya xonasi mavjud. Binoning tom qismida esa laundj, spa va infiniti-hovuz bor. Turarjoy majmuasi oʻz aholisiga besh yulduzli mehmonxona darajasidagi konsyerj xizmatlarini ham taqdim etadi.
Xavfsizlik ham puxta oʻylangan. Kirish qismida qoʻriqlash posti bor va butun hudud boʻylab kecha-yu kunduz videokuzatuv olib boriladi. Yongʻin signalizatsiyasi tizimi oʻrnatilgan.
Qurilish haqida batafsil
Asosiy quruvchi ushbu sohada 15 yillik xalqaro tajribaga ega Newmon Group kompaniyasidir. Binolarni qurishda faqat eng yuqori sifatli materiallar va temir-beton konstruksiyalardan foydalanilgan, bu esa Skyline Towersni 9 ballgacha zilzilalarga chidamliligini taʼminlashga yordam berdi. Poydevorning perimetri boʻylab himoya qatlamining mustahkamlash maqsadida gidroizolyatsiya amalga oshirildi. Binolarning fasad qismida uylarni atmosfera namligi va kondensat qoldiqlaridan himoya qiluvchi ilgʻor ventilyatsiya tizimi mavjud. Har bir bino Yaponiyaning Fuji brendidan ikkitadan tezyurar va ovozsiz liftlar bilan jihozlangan. Quruvchi har bir xonadonga ikki konturli isitish tizimi, kirish eshigi va panoramali derazalarni oʻrnatdi.
