"Shanghai Residence" zamonaviy turar - joy majmuasi xaridorlarga qulay, ekologik toza hududda joylashgan va shovqindan himoyalangan xonadonlarni taqdim etadi. China House qurilish kompaniyasi sifatli materiallardan foydalangan holda uylarni zilzilaga chidamli bo'lishiga alohida e'tibor qaratgan. Ko'p qavatli uylar monolit tipga ega va Xitoy me'morchiligi va dizayni asosida qurilgan. Binoning tashqi ko'rinishi uchun foydalanilgan to'lqin ko'rinishidagi oq elementlar o'ziga xos ko'rinish yaratgan. Uylarning birinchi qavatlarida savdo markazlarning mavjudligi aholi uchun juda ko'p qulayliklar yaratadi. Majmuadagi xavfsizlik tizimi ishonchlidir. Hovli va kirish eshiklarda eng yuqori sifatli kuzatuv kameralari o'rnatilgan.
“Shanghai Residence” turar - joy majmuasining infratuzilmasi
Majmua Yashnobod tumanida qulay joylashgan. Uyga yaqin joyda Olmos metrosi va boshqa bir qancha jamoat transporti bekatlari joylashgan. Shuningdek, savdo markazi, poliklinika, restoran, bank, maktab va bolalar bog'chasi ham majmuadan uzoq bo'lmagan masofada.
Hovlida dekorativ daraxtlarga boy yashil zona tashkil etilgan. Ochiq dam olish zonasida yaqinlaringiz bilan suhbatlashib o'tirgan vaqtingizda, farzandingiz sevimli o'yin maydonchasida zavqlanib o'ynashi mumkin. Avtomobillar soni ko'pligini hisobga olgan holda, majmuada xususiy avtoturargoh ham tashkil etilgan.
"Shanghai Residence" turar - joy majmuasining xonadonlari
1, 2 va 3 xonali xonadonlarda suv, isitish va elektr ta'minoti tizimlari o'rnatilgan. Xonadon sotib olayotganda siz ipoteka krediti yoki bo'lib to'lash imkoniytidan foydalanishingiz mumkin.
