Olmazor Business City – Bizning uylar kompaniyasidan Olmazor tumanida joylashgan yangi turarjoy majmuasi. U umumiy maydoni 23,5 gektar boʻlgan hududda qurilgan 28ta koʻp qavatli uylardan iborat. 9dan 30 qavatgacha boʻlgan binolar, sayr yoʻlaklari, oʻyin maydonchalari bor keng hovlilar, olma bogʻlari va suv qirgʻogʻi oʻziga xos turarjoy majmuasini tashkil etadi.
Turar-joy majmuasidagi sharoitlar
Daraxtlar, butalar, gulzorlar va sunʼiy hovuzlar yoqimli mikroiqlim yaratadi. Hududning katta qismi oʻyin maydonchalari, xiyobonlar va dam olish uchun ayvonlar bor obodonlashtirilgan hovlidir. Turarjoy majmuasi ichida bolalar bogʻchasi va maktab ishlaydi. Turli sport va koʻngilochar joylarga piyoda borish mumkin. Yer osti va yer usti avtoturargohlari barcha aholi va ularning mehmonlarini toʻxtash joyi bilan taʼminlaydi. Professional boshqaruv kompaniyasi barcha xizmatlarni taqdim etadi, masalan, texnik xizmat koʻrsatish, 24 soatlik xavfsizlik, butun hududni tozalash ishlari va boshqalar.
Xonadonlar
Turar joy majmuasi maydoni 39dan 125 kvadrat metrgacha boʻlgan 10 xil loyihadagi kvartiralarni taklif qiladi. Olmazor Business Cityda uy-joy sotib olib, siz eshiklari, parket, ikki oynali plastik derazalar, santexnika oʻrnatilgan tayyor taʼmirlangan xonadonga ega boʻlasiz. Ularda internet, kabel televideniyesi va telefon liniyasi ham oʻtkazilgan.
