"Marvarid" turar - joy majmuasining uylari Yunusobod tumanidagi eng go'zal binolardan biriga aylandi. Osiyo Stroy qurilish kompaniyasi va uning jamoasi loyihalashda katta va kichik yoshdagi yashovchilarning ehtiyojlarini hisobga olgan holda eng qulay sharoitlarni yaratishga muvaffaq bo'ldilar. 9 qavatli oq binoga noodatiy dizayndagi gumbazlar va qalin ustunlar hashamatli ko'rinish bera oldi. Binoning yuqori qavatlarida shaharning ajoyib manzaralarini taqdim etadigan ochiq yo'lakchalar mavjud. Xonadonlardagi balkonlar ham keng bo'lib, bu yerda siz o'tirib toza havoda dam olishingiz mumkin.
"Marvarid" turar - joy majmuasining infratuzilmasi
Majmua rivojlangan hududda joylashganligi sababli, xonadonlarning yangi egalari o'qish yoki ishga borishda qiyinchiliklarga duch kelmaydilar. Uydan 2 qadam narida 247 - maktab, Turkiston metrosi, tibbiyot markazi, supermarket, dorixona va kafe mavjud.
Kichkina favvora, ekilgan manzarali daraxtlar va o'simliklar hovlida yoqimli muhit yarata oldi. Farzandlaringiz zerikmasligi uchun keng o'yin maydonchasi ham tashkil etilgan. Yer osti va yer usti avtoturargohlari qurilishidan maqsad barcha transport vositalari uchun yetarli joy tashkil etishdir.
"Marvarid" turar - joy majmuasining xonadonlari
Loyiha bo'yicha ko'p qavatli uyda 1, 2, 3, 4 va 5 xonali xonadonlarni qurish rejalashtirilgan. Ularning maydoni 52 m² dan 240 m² gacha. Xonadonlarda isitish tizimining individualligi xonadagi haroratni mustaqil ravishda boshqarishga imkon beradi.
