"Kazakhstan Residence" - bu barcha yuqori talablarga javob beradigan komfort - klass turar - joy majmuasi. Umumiy maydoni 74 000 m² bo'lgan majmua Yunusobod tumanida joylashgan. Bir qarashda u haqiqiy saroyni eslatadi. Binoning arxitekturasi bir nechta uslublarning uyg'unligida qurilgan. Oq g'ishtli elementlar va qalin ko'rinishdagi ustunlar binoni yanada jozibali qiladi. Bunday zamonaviy uylar zamonaviy oilalarga juda yarashadi.
"Kazakhstan Residence" turar - joy majmuasining infratuzilmasi
Majmua Minor metrosi yaqinida joylashgan. Boshqa jamoat transporti bekatlari ham yaqin masofada mavjud. Uning atrofida davlat maktablari, bolalar bog'chasi, Minor masjidi va savdo markazlari joylashgan.
Binoda savdo markazlari uchun ham joylar ajratilgan. Sizning kuningiz zerikarli bo'lmasligi uchun hovlida bir - biridan ajoyib sharoitlar yaratilgan. Hovlining markazida favvora mavjud bo'lib, u aholiga estetik zavq bag'ishlaydi, uning atrofi esa yashil maydon ko'rinishidadir. Shuningdek, loyihada kinoteatr tashkil qilish ham ko'zda tutilgan.Bu yozgi kunlaringizni yanada qiziqarli o'tkazish uchundir. Hovlining bir burchagida o'yin maydonchasi tashkil etilgan. Avtomobillar uchun ham alohida ochiq va yopiq avtoturargohlar mavjud.
"Kazakhstan Residence" turar - joy majmuasining xonadonlari
9 qavatli binoda 160 ta xonadon sotuvga mo'ljallangan. Ular 1 xonalidan 4 xonaligacha bo'lgan xonadonlardir, maydoni esa 47,6 м² dan 217,6 gachani tashkil qiladi. O'zingiz afzal ko'rgan qavatdan xonadon va maydonni tanlashingiz mumkin.
