Majestic Build tomonidan qurilgan “Yangi Qoʻyliq” turarjoy majmuasidagi shinam xonadonlar yangi uyingiz uchun eng zoʻr tanlovdir. Binoning chiroyli tashqi koʻrinishiga balkonlar va atrofidagi yashil ekinlar koʻrk bagʻishlab turadi. Turarjoy majmuasi 3000 kvadrat metr maydonni egallaydi, ikkita bino va yetti qavatdan iborat. Majmua hududi daraxtlar va maysazorlar bilan obodonlashtirilib, skameykalar oʻrnatilgan. Hovlida esa bolalar ochiq havoda xavfsiz vaqt oʻtkazishlari uchun oʻyin maydonchasi qurilgan. Shuningdek, aholi va ularning mehmonlari foydalanishlari uchun avtoturargoh bor.
Infratuzilma
Turarjoy majmuasi poytaxtimizning Mirobod tumanida barpo etildi. U rivojlangan infratuzilma bilan oʻralgan. Yaqin atrofda ikkita bolalar bogʻchasi ishlaydi va eng yaqin maktabga bir necha daqiqada piyoda yetib borish mumkin. Supermarket, kafe, atelye, sartaroshxona, dorixonalar va klinika — barcha kerakli mahsulotlar va xizmatlar bir qadamlik masofada joylashgan.
Uylar narxlari
Quruvchi kompaniya hamyonbop narxlarda va qulay toʻlov shartlari asosida maydoni 31dan 84 kvadrat metrgacha boʻlgan xonadonlarni taklif qiladi. Bir xonali va uch xonali uylar sotuvga qoʻyilgan boʻlib, ular oʻz egalariga toʻliq taʼmirlangan holda topshiriladi. Ulardagi shiftlarning balandligi 3,2 metrni tashkil etadi.
