Umumiy maydoni 40 000 m² bo'lgan “Mingchinor” turar - joy majmuasi Yunusobod tumanida joylashgan. Biznes - klass majmuasida siz 3 ta g'ishtli uylar va zarur qulayliklarga ega hovlini ko'rishingiz mumkin. Millenium House qurilish kompaniyasining uylari chiroyli ko'rinishdan tashqari, binoning mustahkamligi bilan ham boshqalardan ajralib turadi. Bizning xalqimiz juda bolajondir va deyarli har bir oilada kichkintoylarni ko'rishingiz mumkin. Ota - onalar uchun uyning xavfsizligi birinchi o'rinda turadi. Majmuaning kirish qismida va hovlida o'rnatilgan kuzatuv kameralari ota - onalarni xotirjam bo'lishlariga hizmat qiladi.
"Mingchinor" turar - joy majmuasining infratuzilmasi
Majmuaning shahar markaziga yaqinligi tufayli yashovchilar sifatli ta'lim olishlari yoki yaxshi ish topishlarida ko'p imkoniyatlarga ega bo'ladilar. Uyning yonida 260 - maktab, Yunusobod metrosi, supermarket, savdo markazi, bolalar bog'chasi va go'zallik salonlari joylashgan.
Avtomobillar aholiga noqulaylik tug'dirmasligi va tartibli joylashishi uchun hovlida yer osti va yer usti avtoturargohlari tashkil etilgan. Farzandlaringiz uchun rang - barang va zamonaviy o'yin maydonchasi qurilgan. Yashil dam olish zonalari usti yopilganligi sababli, siz hatto quyoshli kunda ham yaqinlaringiz bilan o'tirib, suhbatlashishingiz mumkin.
"Mingchinor" turar - joy majmuasining xonadonlari
Loyihaga ko'ra, bir, ikki va uch xonali xonadonlar sotuv uchun mo'ljallangan. Xonadonlar 10 xildan ortiq rejalashtiruvga ega bo'lib, siz tanlagan qavat va maydonga qarab narxlar belgilanadi. Bir xonali xonadonlarning maydoni 42 m² dan boshlanadi.
