Mirzo Ulugʻbek tumanida barpo etilgan “Darxan Residence” turarjoy majmuasi premium toifadagi uylarni taklif etadi. Zamonaviy dizaynga ega 13 qavatli binoda 7 xil laoyihadagi balkonli shinam xonadonlar joylashgan. Qurilish jarayonida faqat yuqori sifatli materiallar ishlatilgan, ular uylarni yaxshi issiqlik izolyatsiyasi va chidamlilik bilan taʼminlagan.
Joylashuv
Turarjoy majmuasi Kichik halqa yoʻli va Pushkin metro bekati yaqinida joylashgan. U rivojlangan shahar infratuzilmasi bilan oʻralgan. Uning atrofida avtobus bekatlari, supermarket, doʻkonlar, qahvaxona, klinikalar va dorixonalar bor. Yaqin atrofda oilangiz yoki doʻstlaringiz bilan maroqli dam olishingiz mumkin boʻlgan bir nechta bogʻlar joylashgan.
Turar joy majmuasidagi sharoitlar
Quruvchi kompaniya xavfsiz va qulay yashashingiz uchun barcha shart-sharoitlarni taʼminlagan. Turarjoy majmuasida yer osti va yer usti avtoturargohlari borligi uchun unda yashovchilar va ularning mehmonlari avtomobillari uchun xavfsiz joylar bilan taʼminlangan. Majmuaning hovlisi yopiq, 24 soatlik videokuzatuv kameralari bilan xavfsizlik xizmati ishlab turadi. Bolalar uchun oʻyin maydonchasi jihozlangan, ota-onalari uchun yaqin joyda skameykalar va ayvonlar oʻrnatilgan. Yam yashil landshaft va favvoralar turarjoy majmuasida yoqimli muhit yaratadi. Zamonaviy taʼmirlangan podyezdlar ikkitadan ovozsiz va tezyurar liftlarga ega. Ularga kiraverishda — domofonlar va mustahkam eshiklar oʻrnatilgan.
Albatta, tashrif buyuring va orzuingizdagi uy aynan shu yerda, Darxon Residenceda ekanligiga ishonch hosil qiling!
