Euro Housedan “Chinabad” turarjoy majmuasi sizning farovon hayotingiz uchun eng yaxshi sharoitlarni taklif etadi. U Yunusobod tumanida barpo etilgan, yaxshi joylashuv va rivojlangan infratuzilmaga ega 9 qavatli zamonaviy turarjoy majmuasidir. Binoning nafis dizayniga terassalar va yashil maydonlar koʻrk bagʻishlab turadi. Unda bir xonadan toʻrt xonagacha boʻlgan komfort toifasidagi uylar joylashgan.
Qurilish haqida batafsil
Turarjoy majmuasidagi qurilish ishlari 2022 yilda yakunlangan. Monolit-gʻishtli binoda balkonli shinam kvartiralar qurilgan. Asosiy qurilish materiali gazbeton boʻldi. Quruvchi 103-125 kvadrat metr maydondagi xonadonlar uchun 4 turdagi loyihalarni taklif qiladi. Ular pardoz ishlarisiz topshiriladi, bu uyingiz interyerida oʻzingiz istaganday turli xil dizayn yaratish imkonini beradi.
Qulaylik va xavfsizlik
Turarjoy majmuasida zamonaviy inson uchun zarur boʻlgan barcha shart-sharoitlar mavjud. Ichki hududga videokameralar oʻrnatilgan, har bir podyezddagi domofonlar begonalarning kirishiga yoʻl qoʻymaydi. Hovlida oʻyin maydonchasi barpo etilgani, albatta, bolajonlarga manzur boʻladi. Keng yer osti avtoturargohi avtomobil egalarining toʻxtash joyi bilan bogʻliq muammolarini hal qiladi. Kundalik hayot uchun kerak boʻlgan hamma narsa yaqin joylashgan: bolalar bogʻchalari, maktablar, shifoxonalar, jamoat transporti. Transportda 5 daqiqada Mega Planet savdo markaziga, Toshkent hayvonot bogʻiga yoki Aqualand Toshkentga yetib olishingiz mumkin. “Chinabad” turarjoy majmuasidan hamyonbop narxlar va qulay toʻlov shartlari asosida uy xarid qila olasiz.
