Bahor turar-joy majmuasi Toshkent viloyati Toshkent tumani Xasanboy hududi Yuqori Xasanboy ko’chasida joylashgan. Majmua 7 qavatdan iborat. Karkas qismi monolit tipida, mustahkam poydevor va konstruksiyalar uchun M350 markali beton, konstruksiyalarning chidamliligi uchun A500 markali armatura, a’lo darajadagi tovush va issiqlik izolyatsiyasi uchun sifatli gazoblokdan foydalanilgan. Binoning pastki 2 qavati tijorat binolari, 3-7 qavatlari yashash xonalari va mansardadan iborat.
Binoning uslubi o'zining nafis soddaligi bilan ajralib turadi. Fasadning asosiy qismi oq rangda ishlangan bo'lib, derazalar orasida tartibli va jozibali naqsh hosil qiluvchi dekorativ qo'shimchalar mavjud. Metall panjarali balkonlar binoga funksionallik va vizual yengillik qo'shadi. Binoning quyi qavati tosh bilan qoplangan bo'lib, kontrast yaratadi va konstruksiyaning mustahkamligini ta'kidlaydi. Birinchi qavatdagi keng vitraj derazalar tijorat binolari uchun juda mos keladi.
Infratuzilma
Majmuaga bir qadamlik yaqin masofada masjid joylashgan. Majmuaning yaqonidan maktab, bog’cha, kafe va oshxonalar, oziq-ovqat do’konlarini topish mumkin. Majmuaning ichki xovlisida bolalar maydonchasi, sport maydonchasi barpo etilgan.
Xonadonlar
Majmuada 1,2 va 3 xonali xonadonlar mavjud. Shift balandligi 3 metr. Xonadonlarda balkon bor. Quruvchi tomonidan kadastr xujjatlari tayyorlab, topshiriladi.
